Alzheimer xəstələri oruc tutmalıdır?
Xəstəlik, oruc tutmamaq üçün bir səbəbdir. Sonradan sağalma ehtimalı mövcud xəstəliyi olan şəxs, sağalandan sonra tuta bilmədiyi orucların qəzasını tutmalıdır. Ancaq müsəlman həkimlərin tibbi baxımdan yaxşılaşma ümidi görmədikləri xəstələr tuta bilmədikləri günlərin sayı qədər fidyə verməlidir. Ən yaxşısı odur ki, hər hansı xəstəliyi olan şəxs öz qənaətinə görə (vicdan yalan danışmayan ən böyük şahiddir) və dindar bir həkimin tövsiyəsini nəzərə alaraq hərəkət etsin. Yəni oruc tutmağa gücü çatacaqmı? Əgər oruc tutsa, xəstəliyində artma və ya sağalma müddətinin gecikməsi və s. müşahidə ediləcəkmi? Bunlar nəzərə alınaraq xəstənin oruc tutub tutmayacağına qərar verilməlidir. Eyni zamanda unutmamaq lazımdır ki, az və xəfif ağrı, sancılar səbəbilə, halsızlığa görə oruc tərk edilməməlidir.
Bənzər məqalələr
Qəza, kəffarə və müəyyən vaxta bağlı olmayan nəzir orucları üçün gün batdıqdan etibarən ən gec imsak vaxtına qədər niyyət etmək lazımdır. Nafilə və Ramazan ayında tutulan oruc üçün niyyət bir qədər fərqlidir.
Kim Ramazan ayını oruclu keçirər və arxasınca şəvval ayından altı gün oruc tutarsa bütün ili oruc tutmuş kimi olar.
Quranı Kərimdə keçən rabbaniyyun rabbani sözünün cəmidir və mənşəyi rabbi sözünə əsaslanır. Rabbi, “Rəbbin ardınca gedən” deməkdir; Rabbani dedikdə, Rabbi tanıyan və ona itaət edən şəxs nəzərdə tutulur.
Etikaf kişilərin əzan və iqamə oxunan, yəni camaatla beş vaxt namaz qılınan məsciddə, qadınların isə evin namaz otağında və ya otağın bir küncündə etikaf niyyəti ilə bir müddət gözləməsi, oturmasıdır.
Həzrət Peyğəmbər (s.ə.s) Mədinəyə gəldikdən sonra vəfatına qədər Ramazan ayının son on günündə etikafa girərdi. Buna görə etikaf Allah Rəsulunun (s.ə.s) önəmli sünnətlərindən biridir.
Copy Right © 2013 - 2024 | www.meneviyyat.az səhifəsinin bütün hüquqları qorunur.