Cünub ikən dırnaq kəsmək olarmı?
Cünub ikən dırnaq kəsmək haram deyil və nəslərdə (ayə və hədislərdə) hər hansı qadağa yoxdur. Ancaq İmam Qəzzaliyə görə, axirətdəki dirilmə bədənlə olacağı (həşri-cismani) və bu dünyada ikən insandan qopan hər bir üzv orada qopduğu yerə yenidən qoyulacağı üçün cünublu ikən sözügedən işləri etmək məkruhdur.[1] Məhz bu anlayışı nəzərə alan bəzi alimlər fitva kitablarında cünubun bu kimi işləri etməsinin məkruh olduğunu qeyd etmişlər.[2]
Ancaq qoltuqaltı, qasıq və dırnaq təmizliyinin qırx gündən çox gecikdirilməsi təhrimən (harama yaxın) məkruhdur. Məhz bu səbəbdən deyə bilərik ki, təmizlik müddəti qırx günü keçməyəcəksə, aybaşı, zahı və cünubun bədənindən bir şey qoparmaması daha məqsədəuyğundur. Əgər qırx günü keçəcəksə, “zərərli olanların ən yüngül olanı” seçilər və bu cür təmizliklər edilə bilər.
Qadınların aybaşı günləri yaxınlaşdıqda təmizlənməli olan yerlərinə diqqət etmələri və aybaşı olmadan təmizlənmələri tövsiyə olunur. Məsələn, dırnaqların kəsilmə vaxtı gəlibsə kəsmələri və aybaşı günlərinə burxmamaları daha yaxşıdır.
[1] “əl-Fətaval-Hindiyyə”, V, 358.
[2] Qəzzali, “Ehyaü ülumid-din”, II, 48-49; “əl-Fətaval-Hindiyyə”, V, 358.
Bənzər məqalələr
Möminin meracı sayılan namaz imanın əkiz qardaşı kimidir. Başqa sözlə, imanın əməli şəkli namaz, namazın da nəzəri şəkli imandır.
İnsan yaradılış baxımından çox zəifdir. Hər şey ona təsir edib əziyyət verir. İnsan həm də acizdir. Düşmənləri və bəlaları saysız-hesabsızdır. İnsan xəstəliklər, təbiətdəki fəlakətlər, ölüm qarşısında gücsüzdür.
“Dəli”nin namazı
Namaz qəlbin nuru, ruhun qidası, möminin meracı, insanın uca Yaradanla vasitəsiz bağlılığıdır. Namaz həddi-büluğa çatmış, ruhi xəstə olmayan hər bir müsəlman kişi və qadına fərzdir.
Cünub olan şəxsin imkan daxilində bir an öncə qüsl alaraq cünubluqdan çıxması gərəkir. Ancaq vaxt azlığından və ya hər hansı səbəbdən yuyunmağa fürsət tapa bilməyən şəxs yuyunmadan da sahur yeməyi yeyə bilər.
Copy Right © 2013 - 2024 | www.meneviyyat.az səhifəsinin bütün hüquqları qorunur.