Həccin sünnələri və ədəbləri
Həccin sünnələri
1. Qüdum (gəlmə, uzaq bir yoldan və ya yerdən gəlib yetişmə) təvafı etmək.
2. Həcc xütbələrini dinləmək.
3. Ərəfat gecəsini Minada keçirmək.
4. Bayram gecəsini Müzdəlifədə keçirmək.
5. Bayram günlərində Minada qalmaq.
6. Muhassabda dincəlmək.
Həccin ədəbləri
*Həcc ibadəti halal pulla etmək.
*Üzərində qul haqqı olanlar haqq sahiblərinə haqqını qaytararaq halallıq almalıdır.
*Geri qayıtmama əzm və qətiyyəti ilə günahlara tövbə etmək.
*Qəzaya qalmış ibadətləri mümkün qədər qəza etmək.
*Həcc səfəri ilə bağlı məlumatlı olanlardan məlumat almaq.
*Riyakarlıqdan, gözə girməkdən, qürurdan uzaq təvazökar, ixlaslı və səmimi olmaq.
*Münasib yol yoldaşları seçmək.
*Yola çıxarkən və evə qayıdarkən iki rükət namaz qılmaq.
*Yola çıxmazdan əvvəl dost və qohum-əqrəba ilə vidalaşmaq.
*İstər səfər zamanı, istərsə də həcc müddətində heç kimlə mübahisə etməmək, heç kimin qəlbinə dəyməmək.
*Vaxtı faydasız işlərlə deyil, dua, zikr, təsbih, salavat və “Quran” oxumaqla keçirmək.
Bənzər məqalələr
maddi cəhətdən həcc etmə imkanına sahib olmayan şəxslərin borc alaraq həccə getmələri şərt deyildir. Buna baxmayaraq borc alaraq həccə gedilərsə, həcc ibadəti məqbul sayılır
Rəsulullah (s.a.s.) dörd şeyi tərk etməzdi; Aşura orucu, zilhiccənin ilk on günü və hər ayda üç gün oruc tutmağı, sübh namazından əvvəl iki rükət namaz qılmağı.
Həcc Məkkə şəhərindəki Kəbəni və ətrafındakı müqəddəs sayılan xüsusi yerləri, müəyyən vaxtda, əvvəlcədən həcc niyyəti ilə ehrama girərək üsuluna görə, yəni vəqfə və təvaf edərək ziyarət etməkdən ibarət, şərtlərindən biri sayılan mal və bədənlə yerinə yetirilən ibadətdir.
Dini hökmlər baxımından həcc fərz, vacib və nafilə olmaqla üç yerə bölünür. Həcc fərz olan (yəni Həccə getməyin şərtlərinə cavab verən) Müsəlmanların bir dəfə həccə getməsi fərzdir. Həcc fərz olmayan Müsəlman həcc etməyi nəzir deyərsə, bunu yerinə yetirməsi vacibdir.
Beytullahı Hz. İbrahim (ə.s) və oğlu İsmail (ə.s) inşa etmiş və birinci həcc ibadəti o dövrdə başlamışdır. Aşağıdakı ayələrdə həccin başlanğıcı haqqında belə buyurulur: “Bir vaxtlar İbrahimə, Beytullahın yerini hazırlamış və (ona belə demişdik): “Mənə heç bir şeyi şərik qoşma Beytumi (evimi) təvaf edənlər, namaz qılanlar, rükü və səcdə edənlər üçün yaxşı bir şəkildə təmizlə.”
Copy Right © 2013 - 2024 | www.meneviyyat.az səhifəsinin bütün hüquqları qorunur.