Dərdli sinələrindən dilə tökülən incilər
بِسْمِ اللهِ الرَّحْمَنِ الرَّحِيمِ
اَللَّهُمَّ فَتَمِّمْ إِحْسَانَكَ اِلَىَّ فِيمَا بَقِيَ مِنْ عُمْرِي ۞كَمَا أَحْسَنْتَ اِلَيَّ فِيمَا مَضَى مِنْهُ ۞ اَللَّهُمَّ إِنِّي أَسْأَلُكَ وَأَتَوَسَّلُ اِلَيْكَ بِتَوْحِيدِكَ وَتَمْجِيدِكَ وَتَحْمِيدِكَ وَتَهْلِيلِكَ وَكِبْرِيَائِكَ وَكَمَالِكَ وَتَكْبِيرِكَ وَتَعْظِيمِكَ وَنُورِكَ وَرَأْفَتِكَ وَرَحْمَتِكَ وَعُلُوِّكَ وَوَقَارِكَ وَمَنِّكَ وَبَهَائِكَ وَجَمَالِكَ وَجَلَالِكَ وَسُلْطَانِكَ وَقُدْرَتِكَ وَإِحْسَانِكَ وَامْتِنَانِكَ وَنَبِيِّكَ وَعِتْرَتِهِ الطَّاهِريِنَ ۞ أَنْ لَا تَحْرِمَنِي رِفْدَكَ وَفَضْلَكَ وَجَمَالَكَ وَفَوَائِدَ كَرَامَاتِكَ ۞ فَإِنَّهُ لَا يَعْتَرِيكَ لِكَثْرَةِ مَا قَدْ نَشَرْتَ بِهِ مِنْ الْعَطَايَا عَوَائِقُ الْبُخْلِ ۞ وَلَا يَنْقُصُ جُودَكَ التَّقْصِيرُ فيِ شُكْرِ نِعْمَتِكَ ۞ وَلَا تُنْفِدُ خَزَائِنِكَ مَوَاهِبُكَ الْمُتَّسِعَةُ ۞ وَلَا تُؤَثِّرُ فِي جُودِكَ الْعَظِيمِ مِنَحُكَ الفَائِقَةُ الْجَمِيلَةُ الْجَلِيلَةُ ۞ وَلَا تَخَافُ ضَيْمَ إِمْلاَقٍ فَتُكْدِيَ ۞ وَلَا يَلْحَقُكَ خَوْفُ عَدَمٍ فَيَنْقُصُ مِنْ جُودِكَ فَيْضُ فَضْلِكَ ۞ اَللَّهُمَّ ارْزُقْنِي قَلْبًا خَاشِعًا خَاضِعًا ضَارِعًا ۞ وَبَدَنًا صَابِرًا ۞ وَيَقِينًا صَادِقًا ۞ وِلِسَانًا ذَاكِرًا وَحَامِدًا ۞ وَرِزْقًا وَاسِعًا۞وَعِلْمًا نَافِعًا ۞ وَوَلَدًا صَالِحًا ۞ وَسِنًّا طَوِيلاً وَعَمَلًا صَالِحًا ۞ وَأَسْأَلُكَ رِزْقًا حَلَاًلا طَيِّبًا ۞ وَلَا تُؤَمِّنِّي مَكْرَكَ ۞ وَلَا تُنْسِنِي ذِكْرَكَ ۞ وَلَا تَكْشِفْ عَنِّي سِتْرَكَ ۞ وَلَا تُقَنِّطْنِي مِنْ رَحْمَتِكَ ۞ وَلَا تُبْعِدْنِي مِنْ كَنَفِكَ وَجِوَارِكَ ۞ وَأَعُذُنِي مِنْ سَخَطِكَ وَغَضَبِكَ ۞ وَلَا تُؤَيِّسْنِي مِنْ رَحمْتِكَ وَرَوْحِكَ وَكُنْ أَنِيسًا مِن ْكُلِّ رَوْعَةٍ وَوَحْشَةٍ ۞ وَاعْصِمْنِي مِنْ كُلِّ هَلَكَةٍ ۞ وَنَجِّنيِ مِن ْكُلِّ بَلِيَّةٍ وَأَفَةٍ ۞ وَغُصَّةٍ وَمِحْنَةٍ وَشِدَّةٍ فيِ الدَّارَيْنِ ۞ إِنَّكَ لَا تُخَلِفُ الْمِيعَادَ ۞ اَللَّهُمَّ ارْفَعْنِي وَلَا تَضَعْنِي ۞ وَادْفَعْ عَنِّي وَلَا تَدْفَعْنِي ۞ وَأَعْطِنِي وَلَا تَحْرِمْنِي ۞ وَأَكْرِمْنِي وَلَا تُهِنِّي ۞ وَزِدْنيِ وَلَا تَنْقُصْنِي ۞ وَارْحَمْنِي وَلَا تُعَذِّبْنِي ۞ وَانْصُرْنِي وَلَا تَخْذُلْنِي ۞ وَأَثِرْنيِ وَلَا تُؤْثِرْ عَلَيَّ ۞ وَاسْتُرْنِي وَلَا تَفْضَحْنِي ۞ وَاحْفَظْنِي وَلَا تُضَيِّعْنِي ۞ فَإِنَّكَ عَلَى كُلِّ شَيْءٍ قَدِيرٌ ۞ اَللَّهُمَّ مَا قَدَرْتَ لِي مِنْ أَمْرٍ وَشَرَعْتُ فِيهِ بِتَوْفِيقِكَ وَتَيْسِيرِكَ ۞ فَتَمَّمْهُ لِي بِأَحْسَنِ الوُجُوهِ كُلِّهَا وَأَصْلَحِهَا وَأَصْوَبِهَا ۞ فَإِنَّكَ عَلَى مَا تَشَاءُ قَدِيرٌ وَبِالْإِجَابَةِ جَدِيرٌ ۞ يَا مَنْ قَامَتِ السَّمَوَاتِ وَالْأَرَضُونَ بِأَمْرِهِ ۞ يَا مَنْ ﴿يُمْسِكُ السَّمَاءَ أَنْ تَقَعَ عَلَى الْأَرْضِ إِلَّا بِإِذْنِهِ﴾ يَا مَنْ ﴿أَمْرِهِ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ وَإِلَيْهِ تُرْجَعُونَ﴾ ۞ وَصَلَّى اللهُ عَلَى سَيدِنَا مُحَمَّدٍ وَعَلَى أَلِهِ وَأَصْحَابِهِ أَجْمَعِين ۞ يَا ذَا الْجَلَالِ وَالْإِكْرَامِ وَالْحَمْدُ لِلَّهِ رَبِّ الْعَلَمِينَ
Allahım! Səndən, ömrümün keçən günlərində məni lütflərinlə sevindirdiyin kimi, qalan günlərində də sevindirməyini niyaz edirəm.
Allahım! Təkliyin, ucalığın, böyüklüyün, kamalın, əzəmətin, nurun, rəfət və rəhmətin, ululuğun, sonsuz gözəlliyin, camal və cəlalın, səltənətin, qüdrətin, ehsanların, lütflərin xətrinə; peyğəmbərin və həbibin həzrət Muhamməd və pak Əhli-beyti hörmətinə məni nemətlərindən, fəzlindən, camal və kərəm təcəllilərindən məhrum etmə! Sən bəndələrinə həmişə səxavətli davranır və hər zaman çox lütf edirsən. Zatən Sənin şəninə ancaq comərdlik yaraşar. Bəxş etdiyin nemətlərə qarşı biz tənbəllik edib həmd və şükrü az eləsək də Sən ehsan çeşmənin suyunu azaltmazsan. Zatən nə qədər çox nemət bəxş eləsən də Sənin xəzinələrindən heç nə azalmaz. Sən Malikül-mülksən, hər şeyin sahibi Sənsən.
Allahım! Səndən heybətin qarşısında hər zaman xuşu və xüdu ilə döyünən, yalvarıb-yaxaran bir qəlb, hər əzası ilə səbir edən bir bədən, tam inanaraq, həmişə zikir və həmd edən dil; gözəl, halal və bol ruzi; faydalı elm; saleh əməllərlə dolu, xeyirli, uzun ömür istəyirəm.
Ya Rəbb! Heç bir zaman bəraət fərmanını alan biri kimi mənə arxayınçılığa düşməyə fürsət vermə! Könlümə və dilimə zikrini unutdurma! İnayət qalxanını üzərimdən götürmə! Rəhmətinin kəsiləcəyi ilə əlaqəli ümidsizliyə düçar etmə! Nəzarətindən kənar qoyma və yaxınlığından məhrum eyləmə! Gözlənilmədən gələn əzabından, gəlib çatan qəzəbindən Sənə sığınıram; nə olar, məni bunlardan qoru. Həyatımın bütün anlarında, ümidsizlik girdabına düşməməyim üçün həmişə rəhmətin və şəfqətinlə əlimdən tut! Tut əlimdən Allahım, tut ki, Sənsiz heç nə edə bilmərəm!
Uca Allahım! Arxa-dayağım Sən ol və mənə yalnızlıq hissi yaşatma, məni bütün qorxulardan əmin eylə! Bəlalardan, afətlərdən, həlak edə biləcək yollardan qoru. Dünyada və axirətdə qəm, kədər, hüzn, iztiraba səbəb ola biləcək bütün əngəllərdən mühafizə eylə.
Rəbbim, Sən əsla sözündən dönməz, vəd elədiyinə tərs düşən bir iş görməzsən; nə olar, bizə olan vədlərini də həyata keçir!
Rəhməti, mərhəməti, rəfət və şəfqəti sonsuz Allahım! Dərgahındakı yerimi ucalt, dərəcəmi artır və məni əsfəli-safilinə düşən bədbəxtlər kimi olmaqdan qoru! Lütf və nemətlərindən məhrum etmədən, eniş-çıxış yaşamadan həmişə qulluqda bir mərtəbə yüksələn, dərəcələrini artırdığın, əzabınla yox, mərhəmətinlə yanaşdığın, nüsrətinlə dəstəklədiyin, gördükləri işlərdə müvəffəq etdiyin, arxa-dayaq olduğun, təkbaşına buraxmadığın, xəta, qüsur və günahlarını örtdüyün, xəcalət hissi yaşatmadığın, hifz və yardım etdiyin, itkilər yaşamasına fürsət vermədiyin bəxtiyar bəndələrindən eylə!
Uca Mövlam!
Bütün bunları sadəcə və sadəcə Səndən niyaz edir, istəyirəm. Zira Sən gücü hər şeyə çatan mütləq qüdrət sahibisən! Ey göyləri və yeri idarə edən, yerin üstünə düşməsin deyə göyü yuxarıda saxlayan, “Ol!” fərmanı ilə hər şey anında əmələ gələn, hər şeyə ancaq Özü hökm edən, əskiklərdən uzaq Allahım! Haqqımda təqdir etdiyin və inayətinlə başlama imkanı tapdığım xeyirli işləri ən gözəl, ən uyğun və ən doğru şəkildə tamamlamama yardım et! Sən buna qadirsən və ricam odur ki, dualarıma cavab verəsən.
Salət və salam olsun Həzrət Muhammədə, onun pak Əhli-beytinə və əshabına. Həmd olsun aləmlərin rəbbi Allaha.
(Həzrət Əlinin (radiyallahu anh) Hizbus-seyf duasından bir hissədir.)
Ərzi-hal
Allahım! Seçilmiş bəndələrinin sirr kimi saxlayıb, öz dərdlərini Sənə açarkən istifadə etdiyi və Sənin də onların duasına cavab verdiyin gözəl adların xatirinə “imdad eylə” deyərək; yardım gözləyən şəxslərin çağırışına qarşılıq verdiyin isimlərin hörmətinə bizim də dualarımıza cavab ver, arzularımızı həyata keçir.
Acizlik və fərqli-fərqli ehtiyaclar içərisində döyünən ürəklərimizi Sənə qovuşmaq arzusu ilə rahatlat, bizi Öz yaxınlığınla sükunətə qovuşdur. Səndən imtahan vəsiləsi olaraq gələn sıxıntı və çətinliklərə qarşı səbirli, haqqımızda verdiyin hökmlərdən razı, təqdir etdiyin nemətlərə qane olub, şükürlə cavab verən, Sənə qovuşmaq üçün can atan qullarından eylə.
Ey günahkarlardan belə rəhmət və şəfqətini əsirgəməyən, girdiyi günahlar üzündən büdrəyib yolda qalanlara təkrar ayağa qalxmağa fürsət verən, səmimi istəkləri yerinə yetirən Rəbbimiz! Ey kömək üçün əl açılanların ən xeyirlisi, ən mərhəmətlisi! Edilən şikayətlərə ancaq Sən adil hökm verirsən, sadəcə Səndən istənilən tələblər tam qarışlanır. Hər şeyin sahibi Sənsən. Sənsən əl açıb hər şey istədiyimiz! Qapına ümidlə qaçdığımız və ümidlərimizi də boşa çıxarmayan! Umduğumuzu bizə verən, həqiqi dost, arxa-dayağımız. Nə olar dualarımızı qəbul eylə, günahlarımızı bağışla, əfv eylə!
Düşmənlərimizə fürsət vermə, onlara qarşı bizə yardım eylə! Görünən- görünməyən, bilinən-bilinməyən hər cür təhlükədən bizi qoru! Ölkəmizi, dövlətimizi, xalqımızı Sən hifz eylə! Bayrağımızı həmişə ucalt! Düşmən qarşısında bizlərə zəfər nəsib eylə!
Allahım! Dünyanın hər cür bəla və müsibətinə qarşı bizə afiyət ver! Olmasına hökm etdiyin şeylərin şərindən bizi qoru. Önümüzdən yaxud arxamızdan gələ biləcək təhlükələrdən bizləri mühafizə eylə. Dünyada və axirətdə üzümüzü utandıracaq hallardan bizi qoru. Bizləri olmalı olduğu yerdə olmayan, durması lazım olan yerdə durmayan, vəzifəsinin haqqını verməyib geri çəkilən bədbəxtlərdən eyləmə!
Birlik və bərabərliyimizi qoru. Aramızda əmələ gələn fərqliliklərə görə tənqid və düşmənçilik girdabına düşməkdən bizi hifz eylə! Onları alternativ yollar və yeniliklər kimi görməyi nəsib et! Qəlblərimizi bir-birinə isinişdir, ülfətlə doldur ki, bir-birimizi sevək. Uca Kitabında buyurursan ki: “Allah onların qəlblərini bir-birlərinə qarşı sevgi və dostluqda birləşdirdi. Sən yer üzündə olan hər şeyi versəydin belə, yenə onların qəlblərini birləşdirə bilməzdin. Lakin Allah onları birləşdirdi. Şübhəsiz ki, O qüdrətlidir, hikmət sahibidir.” Bizim buna imanımız tamdır. Könüllərimizi imana və Qurana aç. Aramızda iman qardaşlığı təsis olsun.
Allahım, məni, atamı-anamı, yaxınlarımı, üzərimizdə haqqı olan böyüklərimi, iman və Quran xidmətində çalışan qardaş və bacılarımı, bütün möminləri bağışla. Amin!
Salavat
اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيم إِنَّكَ حَمِيدٌ مَجِيدٌ ۞
اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيم إِنَّكَ حَمِيدٌ مَجِيدٌ ۞
“Allahumma salli alə Muhammədin və alə ali Muhamməd. Kəmə salləytə alə İbrahimə və alə ali İbrahim. İnnəkə həmidun məcid.” (10 dəfə)
“Allahumma bərik alə Muhammədin və alə ali Muhamməd. Kəmə bərəktə alə İbrahimə və alə ali İbrahim. İnnəkə həmidun məcid.” (10 dəfə)
Tərcüməsi: Allahım! Həzrət Muhəmmədə və Əhli-beytinə, ümmətinə rəhmət eylə; şərəfini ucalt, bərəkətini artır, İbrahimə və İbrahimin ümmətinə rəhmət edib bərəkətləndirdiyin kimi. Şübhəsiz tərifə layiq ancaq Sənsən.
Dua nədir?
“Qullarım Məni səndən soruşsalar, de ki: “Mən onlara yaxınam. Mənə dua etdiyi vaxt dua edənin duasını qəbul edərəm. Ona görə də dəvətimi qəbul edib Mənə iman gətirsinlər. Ola bilsin ki, onlar doğru yola yönələrlər” (Bəqərə, 1/186)
Dua, aciz, ehtiyacları çox, hər yönü ilə möhtac və öz gücünün çatmadığının şüurunda olan insanın; təzarru, təzəllül və alçaq könüllülüklə Sonsuz Rəhmət sahibənə üz tutub, halını Ona ərz edərək istədiyini Ondan istəməsidir. Bu da insanın Rəbbinə iman, güvən və etimadının hər şey də Onun tək olduğu (tövhid) həqiqətinin nəticəsidir.
Dua, həm imdada çağırış, həm yalvarışdır. Həm də kiçikdən böyüyə, aşağıdan yuxarıya, ərzdən, ərzlilərdən səmaların da irəlisinə yönəliş, tələb, istək və dərdini tökməkdir. Dua edən şəxs, özünün kiçik, yönəldiyi qapının böyüklüyünün şüurunda olaraq əl açıb yalvaranda bir anlıq ülviləşər, səsi mələklərin səslərinə qarışar. Belə bir yönəlişliklə o, arzu etdiklərini əldə edəcəyi ümid edir, digər tərəfdən də qorxduğu və əndişə etdiyi şeylərə qarşı sarsılmaz bir qalaya sığındığını da anlayır.
Dua mətnini PDF olaraq buradan yükləyə bilərsiniz