Əhli-Kitabla dostluq
Sual: Ali-İmran surəsinin 100-cü ayəsində Əhli-kitaba uymayın deyilir. Bunu necə başa düşməliyik?
Ali-İmran surəsinin 100-cü ayədə “Ey möminlər! Əgər siz kitab əhli olanlardan bir dəstəyə (yəhudilərə) uyarsınızsa, onlar sizi iman gətirəndən sonra döndərib kafir edərlər”. buyurulur. Qurani-Kərimdəki mövzuları ələ alarkən Qurana bütüncül baxılmalı, ayələrin enmə səbəbinə diqqət edilməlidir. Ayədə onlarla dost olmayın ifadəsi yox, onların sözlərinə uymayın ifadəsi vardır. Mədinədə yaşayan Kaynukaoğulları yerli əhalidən olan iki qəbilə-Övs və Xəzrəc arasında nifaq çıxarmaq istəmiş bunun üzərinə də həmin ayə nazil olmuşdur.[1] Bu ayədən bu gün əhli-kitabla münasibət qurmamalıyıq mənası çıxmaz. Onlarla olan sosial-iqtisadi münasibətlərimizlə bu ayənin heç bir əlaqəsi yoxdur. Ayrıca onlarla görüşəcək, dinimizin gözəlliklərini onlara göstərmək üçün dialoq quracağıq. Ancaq dini dəyərlərimizi yorumlayarkən onların fikirlərini birmənalı qəbul etməyəcəyik.
[1] Təbəri, Camiul-Bəyan, IV, 17. Bədrəddin Çətinər, Əsbabı-Nüzul, Çağrı Yayınları; I, 159.
Bənzər məqalələr
Kişi və qadın dost ola bilərmi?
İnsan ictimai bir varlıqdır. Həyatda yaşamaq üçün başqa insanlara və ünsiyyətə möhtacdır. Bu, ilahi qanundur. Allah insanı bu cür fitrətlə yaratmışdır. Dolayısilə, hər bir bəşər övladı həyatın enişli-yoxuşlu yollarında qarşısına çıxan maddi-mənəvi əngəllərin öhdəsindən gəlmək üçün başqa insanların maddi-mənəvi yardımına ehtiyac duyur. Elə insanlar vardır ki, özümüzü onlara daha yaxın hiss edirik. Çünki onlar bizim dost və yoldaşlarımızdır. Nə vaxt çətinə düşsək, Xızır kimi köməyimizə çatırlar.
Bütün bəşəriyyətə peyğəmbər olaraq göndərilən Rəsulullahın əhli-kitabla münasibətlərini Quran ayələrindən izləyəndə ilk olaraq onların tövhid anlayışının yanlışlığının nəzərə çatdırıldığını görürük. Quran onların Tövhid inancının yanlışlığını bəyan etdikdən sonra, onları həqiqi Tövhid dininə dəvət etmiş və ortaq nöqtələri göstərmişdir.
Copy Right © 2013 - 2024 | www.meneviyyat.az səhifəsinin bütün hüquqları qorunur.