Hamilə qadın namazda rüku və səcdə etməsi özünə və ya qarınındakı uşağa zərər verəcəksə, yuxarıda izah edilənlərdən özünə uyğun gələn şəkildə namazını əda edər. Yəni namaza başlayandan qurtarana qədər ayaq üstə dayana bilmirsə ilk rükətə ayaq üstə başlamalı sonrakı rükətləri təhiyyatda olduğu kimi oturaraq davam etməlidir.

Hamilə və ya uşaq əmizdirən qadınlar, özlərinə və körpələrinə hər hansı zərər gəlməsindən qorxduqları təqdirdə oruc tutmazlar. (Əbu Davud, Təharət, 104; Nəsai, Heyz, 17; Əhməd ibn Hənbəl, Müsnəd, VI, 32). Lakin sonradan tutmadıqları orucların sayı qədər qəza orucu tutmalıdırlar.