Həccin rüknləri
Həccin rüknləri bunlardır:
1. Ərəfat vəqfəsi
Ərəfat vəqfəsi edilməsə, həcc səhih olmaz. Bu, Məkkənin təxminən 25 km. cənub-şərqində yerləşən və haram bölgəsi xaricində qalan, sərhədləri işarələnmiş Ərəfat bölgəsində yerinə yetirilir. Həcc zamanı Ərəfata çıxmayan zəvvarın Həcci səhih olmaz. Çünki hədisdə də buyuruulur: “Həcc Ərəfatdır!”.
Vəqfənin səhih olmasının şərtləri:
* Həcc etmək niyyəti ilə ehramlı olmaq.
* Vəqfəni Ərəfat hüdudları daxilində və Ərəfə günü zəval vaxtından (zöhr namazının girdiyi vaxt) bayram səhəri “fəcri-sadiq”ə, yəni dan yerinin ağarmasına (səhər namazının giriş vaxtı) qədərki müddətdə yerinə yetirmək.
2. Ziyarət təvafı
Ziyarət təvafı olmadan həcc ibadəti tamamlanmır. Təvaf Kəbənin “Hacərül-Əsvəd” olan küncündən və ya eyni sıradan başlayaraq saat əqrəbinin əksi istiqamətində Kəbənin ətrafında yeddi dəfə dönməkdir. Hər dövrəyə “şavt” deyilir və 7 şavt bir təvaf sayılır.
Təvafın səhih olmasının şərtləri:
*Təvaf vaxtında edilməlidir. Ziyarət təvafına “ifada təvafı” da deyilir. Ziyarət təvafının vaxtı bayramın ilk günü səhər dan yerinin ağarmasından başlayır. Bunu ilk vaxtdan etibarən ömrün sonuna qədər etmək mümkün olsa da, bayramın üçüncü günü günəş batana qədər yerinə yetirmək daha fəzilətlidır.
*Niyyət.
*Şavtların çoxunu etmək. Hənəfi məzhəbinə görə, şavtların ən az dördünü etmək təvafın səhih olması üçün şərtidir.
Bənzər məqalələr
maddi cəhətdən həcc etmə imkanına sahib olmayan şəxslərin borc alaraq həccə getmələri şərt deyildir. Buna baxmayaraq borc alaraq həccə gedilərsə, həcc ibadəti məqbul sayılır
Rəsulullah (s.a.s.) dörd şeyi tərk etməzdi; Aşura orucu, zilhiccənin ilk on günü və hər ayda üç gün oruc tutmağı, sübh namazından əvvəl iki rükət namaz qılmağı.
Həcc Məkkə şəhərindəki Kəbəni və ətrafındakı müqəddəs sayılan xüsusi yerləri, müəyyən vaxtda, əvvəlcədən həcc niyyəti ilə ehrama girərək üsuluna görə, yəni vəqfə və təvaf edərək ziyarət etməkdən ibarət, şərtlərindən biri sayılan mal və bədənlə yerinə yetirilən ibadətdir.
Dini hökmlər baxımından həcc fərz, vacib və nafilə olmaqla üç yerə bölünür. Həcc fərz olan (yəni Həccə getməyin şərtlərinə cavab verən) Müsəlmanların bir dəfə həccə getməsi fərzdir. Həcc fərz olmayan Müsəlman həcc etməyi nəzir deyərsə, bunu yerinə yetirməsi vacibdir.
Beytullahı Hz. İbrahim (ə.s) və oğlu İsmail (ə.s) inşa etmiş və birinci həcc ibadəti o dövrdə başlamışdır. Aşağıdakı ayələrdə həccin başlanğıcı haqqında belə buyurulur: “Bir vaxtlar İbrahimə, Beytullahın yerini hazırlamış və (ona belə demişdik): “Mənə heç bir şeyi şərik qoşma Beytumi (evimi) təvaf edənlər, namaz qılanlar, rükü və səcdə edənlər üçün yaxşı bir şəkildə təmizlə.”
Copy Right © 2013 - 2024 | www.meneviyyat.az səhifəsinin bütün hüquqları qorunur.