İman kamilləşə bilir?
İmanın dərəcəsi şəxslərdən asılıdır. Kimisi güclü imanı ilə bir mənada dünyaya meydan oxuyur. Kimisi də imanlı olmasına baxmayaraq, iman əsaslarına nazik iplə bağlıdır. Bu səbəbdən imanı qüvvətli və zəif olması baxımından iki qismə ayıra bilərik:
Təqlidi iman: İnsanın ana-atasının, yetişdiyi mühitin təlqini ilə meydana gələn və bir mənada müsəlman cəmiyyətində böyüyüb boya-başa çatmağın təbii nəticəsi kimi görünən imandır. Bu cür imanın özülü sağlam deyil. Bünövrəsi zəif bina kimi hər an uçub-dağıla, müxtəlif şübhə və vəsvəsələrin təsiri ilə sarsıla bilər.
Təhqiqi iman: İmana aid bütün məsələləri dəlilləri ilə araşdırıb qavramaqdan doğan imandır. Əsl iman da məhz budur. Çünki imanlı bir insan nəyə, nə üçün və nə cür inandığını bilməli, bu inancın şüurunda olmalıdır. Xüsusilə, inancsızlıq rüzgarlarının dörd bir yandan əsdiyi müasir dövrümüzdə möminin təqlidi imanını təhqiqi səviyyəyə çatdırması bir zərurətə çevrilmişdir.
Bənzər məqalələr
İnsan ümidlə var olur, cəmiyyət onunla canlanıb inkişaf edir. Beləliklə, ümidini itirmiş insan ölü, ümiddən məhrum cəmiyyət isə iflicdir.
Bəzən insan fərqində olmadan imanını zədələyəcək, Allahı ittiham edici sözlər söyləyir. Qəzəb anında bu sözlər söylənmişsə belə, qəzəbi soyuyunca insan tövbə etməli, peşman olduğunu etiraf etməlidir. Əks təqdirdə uçurumun kənarında dayandığını iş işdən keçəndən sonra anlayar, o zaman da gec olar.
Müsəlman olaraq yaşamaq, müsəlman olaraq ölmək və axirət yurdunda salehlər arasına qatılmaq üçün nə etmək lazımdır
Stress xarici və ya daxili mühitin mənfi, qeyri-spesifik amillərinin təsirinə cavab olaraq canlı orqanizmdə əmələ gələn spesifik fizioloji reaksiyanın adıdır. Stress bədənin kənar təsirlərə göstərdiyi fiziki və psixoloji-emosional reaksiyadır.
Sahib olduğumuz bütün nemətlər, qarşımıza çıxan hər bir çətinlik öz-özlüyündə bir imtahandır. Bununla yanaşı, ayə və hədislərin işığında bəzi mühüm sınaqları qeyd etməyə çalışacağıq.
Copy Right © 2013 - 2024 | www.meneviyyat.az səhifəsinin bütün hüquqları qorunur.