Oruca nə vaxt və necə niyyət edilməlidir?
Orucun şərtlərindən biri niyyətdir. Niyyətsiz oruc səhih deyil. Buna görə də oruca nə zaman və necə niyyət ediləcəyini bilmək lazımdır. Oruca iki vaxtda niyyət etmək olar:
1. Axşamdan etibarən günorta vaxtına qədər niyyət edilən oruclar. Ramazan orucu, müəyyən günlərdə tutulması əhd edilən (nəzir) oruclar və nafilə oruclara gecə imsak vaxtından əvvəl niyyət edilə biləcəyi kimi günortaya qədər də niyyət edilə bilər. Gecə niyyət etmək daha fəzilətlidir.
Gündüz edilən niyyətin caiz olması üçün, imsak vaxtından sonra orucu pozan şeylərdən uzaq durmaq və nə isə yeyib-içməmək lazımdır. Orucu pozan (və ya oruca zidd) hər hansı bir iş görüldüyü təqdirdə gündüz edilən niyyət caiz deyil.
2. İmsak vaxtından əvvəl gecə niyyət edilən oruclar. Bunlar qəzaya qalan və başqa vaxt tutulan Ramazan orucu və bütün kəffarə oruclarıdır. Həmçinin başlanıb pozulan nafilə orucların qəzası və mütləq olaraq (zamanı təyin olunmayan) nəzir oruclarına da gecə niyyət edilməlidir. Bu oruclar üçün müəyyən vaxt təyin olunmadığından imsak vaxtından əvvəl gecədən niyyət etmək lazımdır. Həmin oruclara dan yeri ağardıqdan yəni imsak vaxtı keçdikdən sonra niyyət etmək olmaz.
Hər hansı bir oruca niyyət edərkən,“Niyyət etdim Allah rizası üçün oruc tutmağa”demək kifayətdir.
Ramazan orucuna nə vaxt niyyət etmək lazımdır?
Ramazan orucuna axşamdan etibarən günorta namazına qədər niyyət etmək olar. Sahur yeməyini yedikdən sonra da niyyət etmək mümkündür. Ancaq sahurda yatıb qalaraq imsak vaxtından sonra oyanan şəxs günəş çıxmış olsa belə günortaya qədər həmin günün orucuna niyyət edə bilər. Yetər ki, imsak vaxtından sonra orucu pozacaq bir şey etməsin.
Sabah oruc tutacağını axşam namazından sonra ürəyindən keçirən şəxs artıq sabahkı oruca niyyət etmiş sayılır. Oruc tutmaq düşüncəsi ilə sahur yeməyinə qalxanın bu düşüncəsi də niyyətdir. Oruca qəlb ilə niyyət etmək kifayətdir. Ancaq qəlb ilə edilən bu niyyəti dil ilə söyləmək daha yaxşıdır. Bu səbəblə, oruc tutacaq şəxs, həm ürəyində niyyət etməli, həm də dili ilə, “Niyyət etdim Ramazan ayının sabahkı orucuna“, deməlidir. Hər günün orucuna ayrıca niyyət etmək lazımdır.
“Allahım! Rəcəb və şabanı bizim üçün bərəkətli et və bizi ramazana qovuşdur”. Hər il zamanın bu mübarək diliminə qədəm qоyanda sanki bir daha ilahi aləmlərin о sеvincli, о nəşəli günlərinə qоvuşuruq.
Həftənin günlərinin ən xeyirlisi Cümə, gecələrdən Qədir, gündüzlərdən Ərafat, aylardan da Ramazandır. Rəcəb toxum əkmə, Şaban sulama, Ramazan isə məhsul toplama ayıdır. İl ağac kimidir: Rəcəb ağacın yarpaqları, Şaban meyvələrin yetişməsi, Ramazan isə yetişən meyvələrin dərilməsi mövsümüdür.
Üç aylarda oruc tutmağın hökmü nədir? İslamda müəyyən vaxta bağlı oruc, yalnız Ramazan orucudur. Ramazan orucu xaricində “üç aylar” orucu adlı oruc Quran və Sünnədə yoxdur.
İnsan ümidlə var olur, cəmiyyət onunla canlanıb inkişaf edir. Beləliklə, ümidini itirmiş insan ölü, ümiddən məhrum cəmiyyət isə iflicdir.
Qəza, kəffarə və müəyyən vaxta bağlı olmayan nəzir orucları üçün gün batdıqdan etibarən ən gec imsak vaxtına qədər niyyət etmək lazımdır. Nafilə və Ramazan ayında tutulan oruc üçün niyyət bir qədər fərqlidir.
Sebine , 15/05/2020 tarixində, saat 13:05
Cox sağ olun