Xeyirxahlıq və yaxşılıq etməkdə yarışmaq

فَاسْتَبِقُوا الْخَيْرَاتِ

Yaxşı işlər görməkdə bir-birinizi ötməyə çalışın! {“Bəqərə” surəsi, 2/148}

 وَسَارِعُوآ اِلٰى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمٰوَاتُ وَالْاَرْضُ اُعِدَّتْ لِلْمُتَّق۪ينَ

Rəbbinizin məğfirətinə göylərlə yer üzü qədər geniş olan, müttəqilər üçün hazırlanmış Cənnətə tələsin. {“Ali İmran” surəsi, 3/133}

 وَف۪ي ذٰلِكَ فَلْيَتَنَافَسِ الْمُتَنَافِسُونَ

Qoy yarışanlar (cənnəti qazanmaq üçün) yarışsınlar! {“Mutaffifin” surəsi, 83/26}

 عَنْ أَب۪ي هُرَيْرَةَ  أَنَّ رَسُولَ اللّٰهِ  قَالَ: «بَادِرُوا بِالْأَعْمَالِ الصَّالِحَةِ، فَسَتَكُونُ فِتَنٌ كَقِطَعِ اللَّيْلِ الْمُظْلِمِ يُصْبِحُ الرَّجُلُ مُؤْمِنًا وَيُمْس۪ي كَافِرًا، وَيُمْس۪ي مُؤْمِنًا وَيُصْبِحُ كَافِرًا،

يَب۪يعُ د۪ينَهُ بِعَرَضٍ مِنَ الدُّنْيَا»

Əbu Hureyrə (r.a.) Allah Rəsulunun (s.ə.s.) belə buyurduğunu nəql edir:

“Saleh əməllər işləməyə tələsin, geri qalmayın. Çünki yaxın gələcəkdə zülmət gecələrə bənzər fitnələr meydana çıxacaq. Həmin dövrdə insan mömin kimi sabaha çıxsa da, kafir olaraq axşamlayacaq. Eyni şəkildə mömin kimi gecələyəcək, amma kafir olaraq sabaha çıxacaq. Dinini adi dünya malına satacaq (dəyişəcək)”. [Müslim, İman 186]

 عَنْ جَابِرٍ قَالَ: قَالَ رَجُلٌ لِلنَّبِيِّ يَوْمَ أُحُدٍ: أَرَأَيْتَ إِنْ قُتِلْتُ فَأَيْنَ أَنَا؟ قَالَ: «فِي الْجَنَّةِ » فَأَلْقٰى تَمَرَاتٍ كُنَّ ف۪ي يَدِهِ، ثُمَّ قَاتَلَ حَتّٰى قُتِلَ.

Hz. Cabir (r.a.) rəvayət edir:

“Uhud döyüşündə bir adam Peyğəmbərimizdən (s.ə.s.) so­­ruş­du: “Əgər öldürülsəm, harada olacağam?” Peyğəmbərimiz (s.ə.s.): “Cənnətdə!” – buyurdu. Bunu eşidən həmin adam əlindəki xurmaları kənara tulladı (yeməkdən vaz keçdi) və savaşa girib şəhid olanadək döyüşdü”. [Buxari, Mağazi 17; Müslim, İmarə 143]

 عَنْ أَب۪ي هُرَيْرَةَ  قَالَ: جَاءَ رَجُلٌ إِلَى النَّبِيِّ ، فَقَالَ: يَا رَسُولَ اللّٰهِ، أَيُّ الصَّدَقَةِ أَعْظَمُ أَجْرًا؟ قَالَ: «أَنْ تَصَدَّقَ وَأَنْتَ صَح۪يحٌ شَح۪يحٌ تَخْشٰى الْفَقْرَ وَتَأْمُلُ الْغِنٰى، وَلَا تُمْهِلْ حَتّٰى إِذَا بَلَغَتِ الْحُلْقُومَ قُلْتَ لِفُلَانٍ كَذَا وَلِفُلَانٍ كَذَا، وَقَدْ كَانَ لِفُلَانٍ»

Əbu Hureyrə (r.a.) nəql edir:

“Bir nəfər Peyğəmbərimizin (s.ə.s.) hüzuruna gəlib: “Ey Allahın Elçisi! Hansı sədəqənin (zəkatın) savabı daha çoxdur?” – deyə soruşdu. Allah Rəsulu (s.ə.s.) ona belə cavab verdi: “Sağlam olduğun və malına xəsislik etdiyin, yoxsullaşmaqdan qorxduğun və varlı olmaq istədiyin zaman verəcəyin sədəqənin (zəkatın) savabı daha çoxdur. Başda zəkat olmaqla sədəqə verməyi “bu qədəri filankəsin, bu qədəri də filankəsin” dediyin ölüm anınadək gecikdirib saxlama! Çünki bundan sonra mal-dövlət onsuz da bir varisindir”. [Buxari, Zəkat 11, Vasayə 17; Müslim, Zəkat 92]

 عَنْ أَب۪ي هُرَيْرَةَ أَنَّ رَسُولَ اللّٰهِ قَالَ: «بَادِرُوا بِالْأَعْمَالِ سَبْعًا، هَلْ تَنْتَظِرُونَ إلاَّ فَقْرًا مُنْسِيًا، أَوْ غِنيً مُطْغِيًا، أَوْ مَرَضًا مُفْسِدًا، أَوْ هَرَمًا مُفْنِدًا أَوْ مَوْتًا مُجْهِزًا أَوِ الدَّجَّالَ فَشَرُّ غَائِبٍ يُنْتَظَرُ، أَوِ السَّاعَةَ فَالسَّاعَةُ أَدْهٰى وَأَمَرُّ»

Əbu Hureyrə  (r.a.) nəql edir:

“Allah Rəsulu (s.ə.s.) belə buyurdu: “Yeddi şey sizə mane olma­dan saleh əməllər işləməyə tələsin. Yoxsa siz unutduran yoxsulluğun,(yoldan) azdıran zənginliyin, halınızı pozan xəstəliyin, xəriflədən qocalığın, qəfil gələn ölümün, ən şərli insan Dəccalın, yaxud ən dəhşətli və qorxunc bəla olan Qiyamətin gəlib çatmasını gözləyirsiniz?” [Tirmizi, Zühd 3]