اَلَّذ۪ينَ يُنْفِقُونَ أَمْوَالَهُمْ ف۪ي سَب۪يلِ اللّٰهِ ثُمَّ لَا يُتْبِعُونَ مَا أَنْفَقُوا مَنًّا وَلَا أَذًى

Heç kəsə minnət qoymadan, əziyyət vermədən mallarını Allah yolunda sərf edənlərin Rəbbi yanında mükafatları vardır. Onların (axirətdə) heç bir qorxusu yoxdur və onlar qəm-qüssə görməzlər. {“Bəqərə” surəsi, 2/262}

يَا أَيُّهَا الَّذ۪ينَ آمَنُوا لَا تُبْطِلُوا صَدَقَاتِكُمْ بِالْمَنِّ وَالْأَذٰى

Ey iman gətirənlər! Sədəqələrinizi minnət qoymaq və əziyyət verməklə puça çıxarmayın. {“Bəqərə” surəsi, 2/264 }

فَلَا تُزَكُّوا أَنْفُسَكُمْ هُوَ أَعْلَمُ بِمَنِ اتَّقٰى

Özünüzü təmizə çıxarmayın, öyünməyin. Allah Ondan qorxub pis əməllərdən çəkinənin kim olduğunu ən gözəl biləndir! {“Nəcm” surəsi, 53/32}

إِنَّمَا السَّب۪يلُ عَلَى الَّذ۪ينَ يَظْلِمُونَ النَّاسَ وَيَبْغُونَ فِي الْأَرْضِ بِغَيْرِ الْحَقِّ أُولٰئِكَ لَهُمْ عَذَابٌ أَل۪يمٌ

Cəza ancaq insanlara (haqsız yerə) zülm edənlərə, yer üzündə fitnə-fəsad törədənlərə verilər. Məhz belələrini şiddətli əzab gözləyir! {“Şura” surəsi, 42/42}

 عَنْ أَب۪ي ذَرٍّ  عَنِ النَّبِىِّ  قَالَ: «ثَلَاثَةٌ لَا يُكَلِّمُهُمُ اللّٰهُ يَوْمَ الْقِيَامَةِ وَلَا يَنْظُرُ إِلَيْهِمْ وَلَا يُزَكِّيهِمْ وَلَهُمْ عَذَابٌ أَل۪يمٌ» قَالَ: فَقَرَأَهَا رَسُولُ اللّٰهِ  ثَلَاثَ مِرَارٍ. قَالَ أَبُو ذَرٍّ: خَابُوا وَخَسِرُوا. مَنْ هُمْ يَا رَسُولَ اللّٰهِ؟ قَالَ: «الْمُسْبِلُ وَالْمَنَّانُ وَالْمُنْفِقُ سِلْعَتَهُ بِالْحَلِفِ الْكَاذِبِ»

Əbu Zərr (r.a.) nəql  edir:

“Allah Rəsulu (s.ə.s.) üç dəfə dalbadal: “Üç zümrə var ki, Allah Qiyamət günü onlarla danışmayacaq, onların üzünə baxmayacaq, onları təmizə çıxarmayacaq. Həm də onlar üçün olduqca şidətli bir əzab da var,”  – deyə təkrar elədi.

Bunu eşidən Əbu Zərr maraqla: “Düzü, onlar özlərinə zülm etdilər və zərərə düçar oldular. Bəs kimdir bu insanlar, ey Allahın Rəsulu?” – deyə soruşdu. Peyğəmbərimiz (s.ə.s.) buyurdu: “Təkəbbürlənmək üçün libasını yerlə sürüyərək gəzən, etdiyi yaxşılığı başa qaxan və malını yalandan and içərək satmağa çalışan”. [Müslim, İman l71]

 عَنْ عِيَاضِ بْنِ حِمَارٍ  قَالَ قَالَ رَسُولُ اللّٰهِ : «إِنَّ اللّٰهَ تَعَالٰى أَوْحٰى إِلَيَّ أَنْ تَوَاضَعُوا حَتّٰى لَا يَبْغِيَ أَحَدٌ عَلٰى أَحَدٍ وَلَا يَفْخَرَ أَحَدٌ عَلٰى أَحَدٍ»

İyad ibn Himərin (r.a.) nəql etdiyinə görə, Allah Rəsulu (s.ə.s.) belə buyurmuşdur:

“Uca Allah mənə: “Təvazökarlığı təbiətən mənimsəyərək birbirinizlə olduqca təvazökar davranın. O səviyyədə təvazökar olun ki, bir insan başqası ilə rəftarında qürur, təkəbbür, hörmətsizlik və həddi aşma kimi pis hərəkətlərə yol verməsin!” – deyə vəhy etdi”. [Müslim, Cənnət 64]

 عَنْ أَب۪ي هُرَيْرَةَ  أَنَّ رَسُولَ اللّٰهِ  قَالَ: «إِذَا قَالَ الرَّجُلُ هَلَكَ النَّاسُ فَهُوَ أَهْلَكُهُمْ»

Əbu Hureyrə (r.a.) Allah Rəsulunun (s.ə.s.) belə buyurduğunu nəql edir:

“(Özündən bəhs etmə və fürsət düşən kimi nəfsini qabağa çıxarıb başqalarını alçaltma ədası ilə) “İnsanlar həlak oldu” deyən insanın elə özü ən birinci həlak və ən çox pərişan olacaq”. [Müslim, Birr 139]